Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mijëra qytetarë liridashës, anekënd trojeve etnike dhe anekënd botës po vizitojnë Prekazin, vendlindjen e Ushtrisë Çlirimtare të Kosovës. Ata kanë deklaruar se ky vend i mbush krenari dhe dashuri për komb e atdhe dhe ju sjellë ndjenja të papërshkrueshme. Liridashësi i kombit e atdheut, Meçan Zotaj, nga Mallakstra e Shqipërisë, që gjatë luftës çlirimtare iu kishte bashkuar Ushtrisë Çlirimtare të Kosovës, ka deklaruar se çdo gjë që ne e bëjmë një përditshmëri është një zero në krahasim me kontributin madhështor të familjes Jashari dhe popullit të Kosovës në përgjithësi. “Çuditem se si politikanët vijnë dhe përulen këtu dhe mbas këtu shkojnë dhe nënshkruajnë marrëveshje të dhimbshme me kriminelë, të cilët masakruan këtë familje!, ka theksuar luftëtari i lirisë, Meçan Zotaj. Një qytetar tjetër, Arben Kasa nga Maqedonia e Veriut ka deklaruar se për ta vizituar Prekazin dhe kujtuar epopenë e Ushtrisë Çlirimtare të Kosovës të 5, 6 e 7 marsit, ai ka udhëtuar nga Shtetet e Bashkuara të Amerikës dhe se qëndrimi në Prekaz, i fal emocione të papërshkrueshme, dhe se ndjenë që Prekazi është një vend i shenjtë që duhet të vizitohet nga të gjithë shqiptarët.
