Modeli korean i TIK-ut për zhvillimin e ekonomisë kosovare

02/06/2016 Institucionet

Ministri i Zhvillimit Ekonomik, Blerand Stavileci në kuadër të vizitës së tij zyrtare në Korenë Jugore, ka zhvilluar takime të ndara me zyrtarë të lartë të Ministrisë së Shkencës, TIK dhe Planifikimit, Agjencinë Nacionale për Promovimin e Industrisë së TIK-ut, Agjencinë Nacionale të Shoqërisë së Informacionit dhe Agjencinë Kombëtare të Sigurisë Kibernetike.

Në këto takime, Stavileci ka hasur në gatishmërinë që përveç bashkëpunimit ndërinstitucional, të kurorëzohet me një marrëveshje konkrete në fushën e TIK-ut dhe edukimit, ndërsa do të ketë projekte konkrete për ndërmarrjet e IT-së në Kosovë dhe Startup-et (Ndërmarrjet e reja).

Gjithashtu, në këtë vizitë kreu i MZHE-së ka marrë premtime për shumë projekte inovative, të cilat do të realizohen me pjesëmarrjen e sektorit publiko-privat koreanë të IT-së, duke mundësuar që modeli korean t’i shërbej Kosovës në zhvillimin e këtij sektori me perspektivë për ekonominë e vendit.

Ndryshe, nga takimet me drejtues të Agjencive koreane të fushës së sigurisë kibernetike dhe promovimit të kësaj industrie, Stavileci është njoftuar nga afër me mënyrën e funksionimit të tyre, duke vlerësuar faktin se krahas zhvillimit të këtij sektori duhet të adresohet edhe siguria e tij.

Vizita në Kore realizohet në organizim të Bankës Botërore, e cila është një nga përkrahësit më të mëdhenj të këtij sektori në Kosovë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara