Nga 13 deri 20 mars do të bëhet mbyllja e përkohshme e një segmenti  të rrugës urbane “Agim Matoshi” në Ferizaj

10/03/2023 Institucionet

Drejtoria e Shërbimeve Publike dhe Emergjencës, njofton qytetarët ferizajas se nga data  13.03.2023 deri më datën 20.03.2023 do të bëhet mbyllja e përkohshme e një segmenti (pjese) të rrugës urbane “Agim Matoshi” te kryqëzimi me rreth-rrotullim me rrugën “Gursel dhe Bajram Sylejmani”, konkretisht segmenti rrugor që kalon mbi binar hekurudhor të qytetit të Ferizajt, për shkak të punimeve që do të zhvillohen në rehabilitimin e pjesës Jugore të linjës hekurudhore 10 (Fushë Kosovë – Hani i Elezit). Rrugë alternative për qarkullimin e automjeteve në trafik nga data 13.03.2023 deri më datën 20.03.2023 mund të përdoren rrugët “Besim Rexhepi”, “Nënkalimi te Plus Marketi” dhe rruga “Gursel dhe Bajram Sylejmani”, gjithashtu automjetet që qarkullojnë nga fshatrat Gaçkë dhe Greme mund të përdorin edhe rrugë alternative “Tahir Guri” – rreth tregut të gjelbër, rruga “Imri Halili” dhe Liman Rekaj” duke vazhduar drejt nënkalimit te Plus Marketi. Apelojmë te qytetarët që të shfrytëzojnë rrugët alternative dhe të kenë mirëkuptim deri në përfundimin e punëve nga ana e Hekurudhave, ndërsa nga Policia e Ferizajt kërkojmë që me një intensitet më të shtuar të policëve të kryejnë mbarëvajtjen dhe sigurinë në trafik. Paraprakisht ju falënderojmë për bashkëpunim !

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara