Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Goditja e Sali Berishës nga Amerika në 19 maj 2021, lufta e tij e egër me Lulzim Bashën, shkërmoqja e LSI-së në zgjedhjet e fundit parlamentare, si dhe disa sinjale për një goditje të Metës nga Uashingtoni, kanë afruar më tej Ilir Metën dhe Sali Berishën, të cilët kanë bashkuar forcat për ekzistencën e tyre politike. Por me zgjedhjet e 14 majit, Ilir Meta “la në baltë” Berishën pas presionit të SHBA. “Foltorja” ka mbetur mes 4 rrugëve. Pas shuplakës që i dha Gjykata e Apelit një javë më parë, Berisha mori goditjen finale nga KQZ. Komisioneri Ilirian Celibashi nuk pranoi që PD të futet në zgjedhje me emrin e tij, por të Lulzim Bashës.Edhe pse ende nuk ka një vendim përfundimtarpër mënyrën sesi do të regjistrojë Berisha kandidatët e tij në garën e lokaleve, ish-kryeministri në daljet publike po “i gjunjëzohet” Metës. Gjithashtu sinjalet e forta se Berisha i kishte shpresat ende tek meta i ka dhënë dhe takimi i zhvilluar mes tyre dje në selinë e Partisë Demokratike. Takimi zgjati rreth 40 minuta, ndërsa mësohet se është diskutuar mbi aksionin opozitar si edhe daljen e kandidatëve të Sali Berishës në zgjedhjet vendore. Pas takimit, në një dalje publike, Meta e Berisha konfirmuan se nuk do jenë koalicion zyrtar. Meta tha se do mbështesë kandidatët e “primareve” për kryetarë bashkie, ndërsa sa i takon këshillave bashkiakë, ai do të luftojë i vetëm. (RIGELS SELIMAN, Gazeta sot)
