Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Zonës Operative të Dukagjinit, gjatë luftës së UÇK-së, Ramush Haradinaj, në shënimin e 25-vjetorit të “Epopesë së Dukagjinit”, ka thënë se Serbia ka synuar që të mos e lë askënd të gjallë në Kosovë. Duke folur para të pranishmëve, me rastin e shënimit të këtij përvjetori Haradinaj ka thënë se Serbia është thyer në Gllogjan. Ne e njohim këtë ditë si ditën e fitores. E vërtetë se ata kanë qenë luftëtarë të hershem. Atë ditë u flijuan me një betejë që mori kuptim, tre luftëtarët, Himë Haradinaj, Gazmend Mehmetaj dhe Agron Mehmetaj. Serbia kishte ndjek një strategji të vetën, kishte goditur në Qirez e Prekaz. Ishte porosia që të mos leni askënd gjallë. Zoti deshi që ata të tërhiqen me turp e ne me fitore. Miti i Serbisë u thye këtu. Pse kjo ditë e jona është e fitores, sepse nuk ndamë askënd nga lufta. Të gjithë janë trajtuar njëjtë, të gjithë luftëtarët e të gjitha trevave. Ajo çka na ndihmoi për ta fituar luftën ishte dita e njëjtë, por një vit më vonë. Atë ditë erdhën sulmet e NATO-s në krye me Amerikën. Unë me zemër iu them Amerikës dhe NATO-s që çdo ditë keni qenë me ne. Ne si Kosovë do të rreshtohemi me NATO-n, Amerikën dhe besoj shumë që Kosova e ka vendin në NATO që të punojë për lirinë”, ka thënë Ramush Haradinaj.
