Kryetari i entitetit serb të Bosnjës e Hercegovinës, Millorad Dodik të ardhmen e shoh në bashkimin e Serbisë dhe Republikës Serbe, Ai e bëri këtë deklaratë, dje në Sombor, ku zyrtarët e Serbisë po e shënonin përvjetorin e ndërhyrjes së NATO-s. Bombardimi i ish-Republikës Federale të Jugosllavisë, në vitin 1999, filloi për shkak të krimeve të kryera nga forcat serbe kundër popullatës shqiptare në Kosovë. Në fjalimin e tij Dodik përsëriti kërcënimet për shkëputjen e Republikës Serbe të Bosnjës dhe bashkimin me Serbinë. “Tani ata duan të rrëmbejnë pronën, ndërkaq unë u them në momentin që ju përpiqeni të rrëmbeni pronën tonë, ju keni thirrur një seancë të Kuvendit të Republikës Serbe, ku do të marrim një vendim për pavarësinë e Republikës sonë. Mesazhi i tij vjen një ditë pas vendimit të Qeverisë së Republikës Serbe për t’i dhënë fund bashkëpunimit me Shtetet e Bashkuara të Amerikës dhe Britaninë e Madhe dhe publikimit të një projektligji që detyron organizatat joqeveritare të raportojnë të gjitha transaksionet që financohen nga jashtë. Vendimi është marrë në seancën e qeverisë së këtij entiteti, të enjten, më 23 mars, në Banja Llukë.
Kontrolloni gjithashtu
Albin Kurti, në një intervistë për median zvicerane “NZZ”, thotë se Perëndimi po tregohet ‘shumë naiv’ me Beogradin zyrtar
Albin Kurti, në një intervistë për median zvicerane “NZZ”, thotë se Perëndimi po tregohet ‘shumë naiv’me …