Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Hagës ka kërkuar që ish-kryetarit të Kosovës, Hashim Thaçi t’i vazhdohet masa e paraburgimit edhe për dy muaj të tjerë. Sipas arsyetimit të Prokurorisë, paraburgimi i Thaçit është i arsyeshëm në rrethanat aktuale kur procesi i gjykimit ndaj tij do të fillojë së shpejti. Në këtë drejtim, Paneli rikujton se arsyen e vazhdimit të paraburgimit të një të akuzuari duhet të vlerësohet në faktet e secilit rast dhe sipas veçorive të tij, të cilat në këtë rast, përfshijnë: ndikimin dhe autoritetin e Hashim Thaçit; njohuritë e tij për akuzat dhe provat kundër tij. Prokuroria mes tjerash paragjykon edhe mundësinë e një dënimi më burg të gjatë, pastaj rrezikun që ai do të pengonte procedurat, rrezikun e kryerjes, nxitjes ose ndihmës për krime të mëtejshme; faktin që masat kufizuese për lirimi nuk janë të mjaftueshme për të zbutur rreziqet; peshën dhe kompleksitetin e akuzave kundër z. Thaçi; dhe fakti që vazhdon të bëhet progres drejt fillimit të gjykimit, thuhet në parashtresën e Prokurorisë. Sipas Prokurorisë së Hagës një masë e tillë është e nevojshme dhe e arsyeshme për shkak të rrethanave specifike të rastit.
