Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria greke për Emigracionin dhe Azilin thotë se në muajin shkurt të këtij viti regjistroi rreth 277 mijë shtetas shqiptarë me leje qëndrimi të rregullta në Greqi, nga rreth 424 mijë që ishin regjistruar në shkurtin e vitit 2022. Sipas të dhënave zyrtare shqiptarët tani përbëjnë 60% të të huajve të rregullt në Greqi nga 62,7 % që përbënin një vit më parë. Sipas ministrisë greke për Emigracionin dhe Azilin lejet e qëndrimit të shtetasve të vendeve të treta të vlefshme në shkurt të këtij viti janë gjithsej rreth 463 mijë duke shënuar një rënie prej 32%, krahasuar me shkurtin e vitit 2022, raporton Zëri i Amerikës. Tre vendet kryesore të origjinës së shtetasve të vendeve të treta me leje qëndrimi të vlefshme janë: Shqipëria me 60.0%, Kina me 5.0% , pasuar nga Gjeorgjia me 4.3%, thotë ministria greke e Emigracionit.
