Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nesër mbahet “Marshi për drejtësi” në përkrahje dhe solidarizim me krerët e UÇK-së që po mbahen në Hagë. Marshin për Drejtësi e ka mbështetur edhe Lëvizja Vetëvendosje, por kjo nuk i duket shumë e besueshme kryetarit të PSD-së, Dardan Molliqaj. Ai ka thënë se kjo përkrahje erdhi pas një “kalkulimi” të mirëfilltë, pasi dje kryeministri Albin Kurti tha se s’ka dëgjuar për këtë marsh, kurse partia e tij të nesërmen tregoi qëndrim të kundërt. “Marshi është lajmëruar tash sa kohë. Kryeministri parmbrëmë, në inat e sipër, teksa arsyetonte “Zajednicën”, na tha se nuk ka dëgjuar gjë për këtë marsh. Por, Partia sot i paska bërë llogaritë: Marshi për Drejtësi do të gjejë mbështetje popullore, andaj dalim edhe ne. E lexueshme, ku ka numra e masë, aty e keni VV-në oportuniste. Kjo është e kundërta e rrugës së saj. Molliqaj ndër të tjera ka thënë se partia në pushtet duhet të marrë veprime konkrete për mbrojtjen e vlerave të UÇK-së.
