Fadil REXHA: EMBLEMA E UÇK-së

01/04/2023 Opinione

EMBLEMA E UÇK-së

Emblema e UÇK-së

në krahun tim!

Ajo kërkon mund e sakrifica

kërkon vetmohim e vendosmëri

kërkon guxim e trimëri

dhe më jep nder e krenari…

Greme, prill 1999

Erdhi afër mesnatës

në Kampin tonë të vogël!

Pa gazetarë e kamera televizive!

Pa kolonë automjetesh luksoze!

Pa pritje e ceremoni!

Me të zotin e shtëpisë i afërt!

Me të gjithë ne, më vonë, bëri fotografi…

Pa kaluar shumë kohë

Me çantën në shpinë

Me kallashnikov në dorë

Me shqipen në ballë

Kryeministri i Kosovës

Me grupen e ushtarëve

Vazhdoi rrugën e tij

Vargmaleve shqiptare…

Greme, prill 1999