Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot. në Gjykatën Speciale, në Hagë, ka filluar gjyqi kundër krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi. Fillimisht krerëve të UÇK-së prokurorja e rastit u ka lexuar paragrafët e aktakuzës së ndryshuar dhe të njëjti janë pyetur nëse e kuptojnë aktakuzën. I pari u pyet ish-kryetari i Kosovës, Hashim Thaçi. Në përgjigje Thaçi tha: E kuptoj, jam plotësisht i pafajshëm. Më pas u pyet ish kryekuvendari, Kadri Veseli, i cili shprehu pakënaqësinë e tij për vonesën 2 vjet e gjysmë të fillimit të gjykimit. Jam i pafajshëm në të gjitha pikat e aktakuzës ka deklaruar edhe Rexhep Selimi. Zëdhënësi i UÇK-së dhe ish kryetari i Kuvendit të Kosovës, Jakup Krasniqi tha se nuk ka lidhje me asnjë nga pikat e aktakuzës që i lexoi prokurorja. E kam vështirë ta kuptoj aktakuzën dhe mënyrën si është përpiluar, nuk kam asnjë lidhje me asnjërën pikë. E kuptoj ashtu siç është, por nuk pajtohem me të pasi nuk mbaj asnjë përgjegjësi për të cilën flet aktakuza. Plotësisht jam pafajshëm, u shpreh, Jakup Krasniqi.
