Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lirjona Sylejmani, vajza e dëshmorit të Kombit Bajram Sylejmani ka bërë të ditur se është diplomuar dhe ka fituar titullin “Master i Dirigjimit”. Lidhur me këtë ajo ka shkruar: Me koncertin e datës 31.03.2023 kalova provimin e diplomës dhe fitova titullin “Master i Dirigjimit”
Dua ti falemnderoj të gjithë ata që mundësuan dhe më mbështetën në këtë rrugëtim, fillimisht falemnderoj mentorin tim profesor Sasho Tatarchevski i cili nuk kurseu asgjë nga dituria dhe përvoja e tij në këtë vit ku punuam intenzivisht, një pedagog i shkëlqyer i cili e bëri këtë rrugetim të paharrueshëm për mua!
Falemnderoj nga zemra menaxherin e Filharmonisë z.Dardan Noka dhe drejtorin z.Baki Jasharin që mundësuan koncertin me orkestrën e Filharmonisë së Kosovës, pa të cilën asgjë s’do të mund të realizohej!
Falemnderoj orkestrën për bashkëpunimin dhe mikëpritjen në hapat e mi të rëndësishëm për zhvillimin tim në karrierë, e në veçanti koncert mjeshtrin Visar Kuçi i cili nuk kurseu mbështetjen e tij për asnjë moment!
Falemnderoj solistin Ardit Ibrahimi dhe profesorin e tij Shkumbin Bajraktari për bashkëpunimin e shkëlqyeshëm.
E në fund falemnderoj familjen time të dashur Lumnije Sylejmani dhe Gentin të cilët janë shtylla ime më e fortë në jetë, e të cilët nuk dyshojnë në mua as kur unë dyshoj në vete 
