Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Miliona myslimanë në shumë vende të botës e veçmas në Azi dhe në Afrikë kanë filluar agjërimin e muajit të Ramazanit. Autoritetet në Arabinë Saudite, kanë njoftuar se hëna e re e Ramazanit është vënë re mbrëmjen e djeshme, dhe se muaji i Ramazanit ka filluar me atë paraqitje të hënës. Njoftime të ngjashme janë bërë edhe nga vende të ndryshme si Indonezia, vendi më i populluar në botë me myslimanë, si dhe në Egjipt, Jordani, Katar, Turqi dhe vende të tjera. Myslimanët e përcjellin kalendarin hënor përmes një metodologjie të vëzhgimit të hënës dhe për këtë shkak disa shtete e fillojnë Ramazanin një ditë apo dy më vonë. Në këtë vit muaji i Ramazanit ka filluar në të njëjtën ditë në shumicën dërrmuese të vende islame. Muaji i agjërimit i gjen myslimanët në botë në vuajtje e persekutime, sidomos në Lindjen e Afërme dhe në shumë shtete, ku ndasitë e përçarjet janë thelluar dhe po manifestohen me qindra e mijëra të vrarë dhe të shpërngulur nga vatrat e tyre shekullore.
