Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti dhe njohësi i politikave ballkanike, Daniel Serwer ka thënë se ndërkohë që Shtetet e Bashkuara janë të fiksuar me procedurat gjyqësore kundër Donald Trump, një tjetër president dhe bashkëluftëtarët e tij të dikurshëm po gjykohet në Hagë, ky është kryetari i Kosovës, Hashim Thaçi. Ai ka saktësuar se Xhek Smith ishte prokuror në Hagë përpara se të merrte pozicionin e tij, në Uashington për të kryer hetime dhe ndoshta për të ndjekur penalisht, Donald Trumpin. Gjykata Speciale ka mandat bazuar mbi ligjet e Kosovës dhe mbi pretendimet e raportuara nga Dick Marty në Raportin e Asamblesë Parlamentare të Këshillit të Evropës, të 7 janarit të vitit 2011, por kjo gjykatë ka dalë nga ky mandat. Unë nuk jam avokat, por në mënyrën time të të menduarit laik, gjykata është larguar dukshëm nga ky mandat. Duket se ka harruar raportin e Asamblesë Parlamentare të Këshillit të Evropës, ka thënë Server në një intervistë për Dojçe Vele. Pretendimet kryesore në raportin e Këshillit të Evropës shihet se janë të pabaza dhe janë lënë jashtë akuzave kundër të akuzuarve. Prokurori po ndjek akuza të tjera, më pak specifike, kundër udhëheqjes së UÇK-së, që nuk kanë lidhje me raportin e Këshillit të Evropës. Sipas z, Server dënimi i krerëve të UÇK-së në Hagë sigurisht që do të ketë implikime për të akuzuarit, përfshirë ndëshkimin, pasi duhet shumë kohë derisa të merret një vendim.
