Lahi Brahimaj përkujton bashkluftëtarin Dëshmorin e kombit Sadri Zenelaj

Me Sadriun ishim bashkë që nga marsi i vitit 1993, në përpjekjet për lirinë e Atdheut tonë të dashur, Kosovës. Sadriu ishte jo vetëm një luftëtar trim dhe i zoti, por edhe organizator i mirë i luftës për liri, si dhe frymëzues për mobilizimin dhe krijimin e celulave të para të Ushtrisë Çlirimtare të Kosovës.

Sadriu ishte një mësues i mirë, një shok i mirë dhe mbi të gjitha një person i dashur dhe i ndershëm. Jam krenar që kam udhëtuar me të, në rrugën drejt lirisë.

Sot përkujtojmë edhe luftëtarët dhe bashkvendasit e rënë, po në këtë ditë: Islam Ademaj, Lan e Fitim Rexha, Ali Rama, Ramë, Bajrush dhe Arben Mehmetaj.

Të kujtojmë dhe nderojmë, sakrificën e këtyre trimave që dhanë jetën për kauzën e shenjtë kombëtare. Të vazhdojmë përpjekjet për një Kosovë të sigurtë dhe të begatë, të udhëhequr nga parimet e bashkimit dhe atdhedashurisë.