Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Ferat Shala, kritikoi Qeverinë Kurti për mos punë dhe keqqeverisje. Ai, sot në debatin parlamentar të Kuvendit të Kosovës, për dyvjetorin e punës së qeverisë, ka thënë se nuk e ka të qartë arsyen se pse Kurti është duke i ikur “sukseseve” të tij, të cilat nuk i ka përmendur në ekspozenë e punës dyvjeçare. Ferat Shala ka thënë se Albin Kurti në raportin e punës nuk e ka përmendur asnjëherë dialogun me Serbinë. Duke ironizuar, deputeti, Shala, ka thënë se a nuk është sukses i kryeministrit themelimi i Asociacionit të komunave me shumicë serbe. Në këtë kontekst, Shala ka pyetur Kurtin se si është e mundur të mos e përfshijë në raport themelimin e “Zajednicës”. Më tutje, ai ia ka numëruar Kurtit edhe dështimet në KEK, Trepçë dhe në ndërmarrje të tjera publike.
