Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe kryetari i Partisë Demokratike të Kosovës Memli Krasniqi, e ka pritur në një takim kryeministrin e Malit të Zi, Dritan Abazoviq, I cili po qëndron në Prishtinë në një vizitë treditore. Memli Krasniqi tha me këtë rast se kërkova nga Mali i Zi që si shtet anëtar i NATO-s që ka bërë progres në procesin e anëtarësimit në BE, mbështetje për Kosovën në rrugën e përbashkët drejt integrimit Euro-Atlantik. Kryeministrin, Abazoviq e informova edhe për zhvillimet me rëndësi në Kosovë, përfshirë shqetësimin tonë për emigrimin masiv të të rinjve tanë nga Kosova dhe Marrëveshjen e Ohrit, e cila, për ne në PDK mbetet e pamjaftueshme, pasi nuk arrin qëllimet tona shtetërore. Në fund të takimit, me kryeministrin Abazoviq diskutuam edhe për vazhdimin e bashkëpunimit të mirë në fushën e turizmit dhe krijimit të kushteve optimale për qytetarët e të dyja vendeve gjatë vizitave dhe pushimeve vjetore, ka njoftuar kryetari i PDK-së, pas takimit me kryeministrin e Malit të Zi, Dritan Abazoviq.
