Vizitohen vendet e trashëgimisë kulturore në Ferizaj

06/06/2016 Institucionet

Njohës të trashëgimisë kulturore, qytetarë dhe zyrtarë komunalë në kuadër të ditëve të kulturës që po mbahen në Ferizaj kanë vizituar sot disa lokalitete të ndryshme të trashëgimisë kulturore duke filluar nga Mulliri i Selman Beut  në fshatin Jezerc.

Me këtë rast u tha se Ferizaj është një vendbanim i hershëm e shumë i pasur me artefakte por ka munguar një kujdes më i madh në ruajtjen e trashëgimisë kulturore.

Ilir Bytyqi përgjegjës për muze dhe trashëgimi në komunën e Ferizajt pohon se ka nevojë për një koordinim mes nivelit lokal dhe atij qendror në mënyrë që ruajtja e këtyre vendeve të jetë më efikase.

Edhe qytetari Rrahim Qazimi i cili është një pasionant i natyrës thotë të ketë parë shumë vende nëpër malet e Jezercit për të cilat ende nuk dihet se çka janë ose çka kanë qenë. Ai bën thirrje edhe për investime më të qëndrueshme nëpër lokalitetet e trashëgimisë kulturore.

Një vend thuajse tërësisht i paeksploruar është edhe mozaiku në fshatin Nerodime i cili flet për një vendbanim të lashtë. Nga themelet e kësaj kishe thuhet se është marrë një element i rëndësishëm dhe është dërguar në Beograd për të pamundësuar analizimet e mëtutjeshme të lokaliteti të vjetër.

Ndërkaq drejtori i Kulturës, Rinisë dhe Sportit Naim Feriat premtoi  një kujdes më të madh në këtë fushë gjatë viteve të ardhshme ku do të ketë edhe ndarje buxheti.

Në kuadër të vizitave të bëra sot ky ekip vizitoi edhe mullirin e Nikës i cili është i vjetër mbi 500 vjet. Përgjatë rrjedhës së Lumit Nerodime thuhet se dikur kanë qenë 52 mullinjë nga të cilët vetëm 4 janë funksionalë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara