Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komisionit për Çështje Evropiane i Kuvendit të Republikës së Maqedonisë së Veriut, z. Arbër Ademi, sot pati një takim me ambasadoren e Mbretërisë së Suedisë në vendin tonë, zonjën Amy Larson. Ademi shprehu mirënjohjen e tij për mbështetjen suedeze në proceset tona integruese evropiane, veçanërisht gjatë presidencës suedeze të BE-së që do të zgjasë deri në fund të qershorit të këtij viti, dhe në këtë kontekst u shpreh i kënaqur me marrëdhëniet e shkëlqyera mes dy vendeve, të cilat karakterizohen nga dialogu politik, miqësia dhe bashkëpunimi. Gjatë bisedës u shpreh mirënjohje për mbështetjen suedeze për forcimin e kapaciteteve të Kuvendit, në fushën e demokracisë dhe shtetit të së drejtës.
Në takim u shkëmbyen mendime për përparimin e Maqedonisë së Veriut në rrugën drejt BE-së, për procesin e amendamenteve kushtetuese dhe për programin reformues të bashkëpunimit të Suedisë, i cili synon të ndihmojë në integrimin e Maqedonisë së Veriut në BE.
