Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka marrë pjesë në Forumin Ekonomik të Delfit në Greqi, ndërkohë ai ka folur në lidhje me procesin e integrimit evropian, Turqisë, kryetarin Rexhep Tayyip Erdoğan, marrëdhëniet me Greqinë, zhvillimet në rajon dhe çështje të tjera, raporton Anadolu. Në fjalën e tij Rama ka theksuar se presidenti turk, Erdoğan ka bërë një punë të jashtëzakonshme për vendin e tij. Ajo çfarë mendoj unë është se pavarësisht rezultateve të zgjedhjeve dhe nuk dua që t’i futem këtij diskutimi fare, megjithëse unë kam opinionin tim, unë mendoj që presidenti Erdoğan ka bërë një punë të jashtëzakonshme për vendin e tij, e ka ndryshuar shumë Turqinë. Sigurisht që ka gjëra të caktuara të cilat janë të diskutueshme, por më duhet të them se përpara sesa të diskutojmë këtë gjë, në veçanti BE-ja duhet të diskutojë sjelljen e vet ndaj Turqisë iu tha: Duhet të bëni reforma që të pranoheni’, dhe ajo çfarë ndodhi ishte e kundërta, pasi Turqia u la brutalisht pas dere. Dhe më pas pasoi grushti i shtetit ishte një moment shumë, shumë kritik që ka pasur një ndikim të jashtëzakonshëm kur kryetari Erdoğan u ndje i braktisur. Megjithatë një gjë është e pamohueshme. Turqia është shumë e rëndësishme për sigurinë e Evropës dhe BE duhet ta marrë vërtetë shumë seriozisht këtë fakt, tha më tej Rama, duke shtuar se është mik i kryetarit, Rexhep Tajip Erdoğan.
