Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës e ka përkrahur verbalisht vendimin e Kuvendit Komunal të Mitrovicës së veriut për hapjen e Urës së Ibrit. Në një përgjigje me shkrim për RTK-në, Qeveria thekson se paragrafi i parë i nenit 35 të Kushtetutës garanton lëvizjen e lirë të qytetarëve në Republikën e Kosovës në çdo vendbanim. Çfarëdo pengese në lirinë e lëvizjes cenon këtë të drejtë themelore. Prandaj edhe vendimi për heqjen e pengesave të tilla është veprim i drejtë dhe i duhur. Qeveria përkrah parimisht vendimin edhe pse e di mirë se nuk do të hapet kalimi mbi urë pa ia plotësuar Serbisë të gjitha kërkesat, duke filluar nga Asociacioni. Në kohën kur policia serbe ta marrë nën kontroll veriun sipas Asociacionit, ura me siguri se do të hapet, pasi do të bëhet pikë kufitare. Emisari special i BE-së, Mirosllav Lajçak, duke folur për këtë vendim, të cilin e ka përkrahur Qeveria Kurti, ka theksuar se nuk është koha për ta hapur Urën mbi Lumin Ibër në Mitrovicën e Veriut.
