Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish ministrja e Kroacisë, Vesna Pushiç, në një intervistë për të përditshmen malazeze “Pobjeda”, deklaroi se Mali i Zi çdo ditë e më shumë po shihet si njëfarë kompensimi ndaj Serbisë për humbjen përfundimtare të Kosovës. Ajo tha se fitorja e kreut të Lëvizjes “Evropa Tani”, Jakov Milatoviç, në zgjedhjet presidenciale të Malit të Zi, paraqet një rezultat që është në favor të Rusisë dhe të Serbisë. Perëndimi nuk e kupton si duhet problemin në Malin e Zi. Beogradi zyrtar po mundohet ta mohojë faktin se Kosova në thelb është shtet i pavarur, edhe pse Kosova po qëndron në këmbë me shumë vështirësi. Shumë ekspertë kanë vlerësuar se situata politike në Mal të Zi dhe fitorja aktuale e ideologjisë së “Serbisë së Madhe” në mënyrë të pashmangshme do të përhapet edhe në rajon, ngase sipas tyre, në mendjen e Perëndimit, tani po vërtitet ideja se rajoni duhet të ndahet në tre sfera ndikimi: shqiptare, serbe dhe kroate.
