leoni

Vitia pritet të jetë partnere e USAID-it për programin “Kontratat Sociale”

02/05/2023 Institucionet

Kryetari i komunës së Vitisë, Sokol Haliti, ka pritur në takim përfaqësuesit e USAID-it me të cilët u bashkëbisedua rreth programit “Kontrata Sociale”. Ky takim është kryesuar nga znj. Silvia Susnjic, udhëheqëse e projektit. Ajo bëri me dije se sipas një vlerësimi preliminar dhe kritereve te përcaktuara, komuna e Vitisë është përzgjedhur si komunë potenciale dhe partnere e USAID-it për Kontrata Sociale. Përndryshe sipas përfaqësuesve të USAID-it, objektivi i projektit është fuqizimi i mekanizmave të pjesëmarrjes qytetare në komunë, duke aplikuar një qasje proaktive përmes aktiviteteve të përbashkëta ndërmjet zyrtareve komunal dhe qytetareve, për të ndikuar që të rritet komunikimi dhe ndërveprimi ndërmjet tyre, për vendimet e përbashkëta me interes për komunitetin. Kryetari Haliti tha se vlerëson lartë projektet të tilla në veçanti për programet sociale që kanë për qëllim ngritjen e vetëdijes së qytetarëve në vendimmarrje. Ai tha se komuna të cilën ai e udhëheq do të jetë e përkushtuar që ky projekt të realizohet sa më mirë në komunën e Vitisë, duke shtuar se komuna e tij do të mbetet transparente dhe e hapur për qytetarët dhe grupet e interesit. Në këtë takim kanë marrë pjesë edhe përfaqësues të tjerë nga ky program si Jetmir Bakija dhe Rozafa Ukimeraj, të cilët folën për rëndësinë e këtij programi dhe zbatimin e ti deri në vitin 2026.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara