Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Themelore në Prishtinë, ka njoftuar se më 3 maj 2023, ka ngritur aktakuzë ndaj ish-kryeshefit të Telekomit të Kosovës, Agron Mustafa, për kontratën me kompaninë “Paykos”. Sipas njoftimit të Prokurorisë thuhet se Mustafa akuzohet për veprën penale “Lidhja e kontratës së dëmshme”. “Pas zhvillimit të hetimeve, mbledhjes dhe analizimit të provave, më 3 maj 2023, ka ngritur aktakuzë ndaj të pandehurit, Agron Mustafa për shkak të veprës penale “Lidhja e kontratës së dëmshme”, nga neni 291 paragrafi i Kodit Penal të Kosovës”, thuhet në njoftim. Sipas aktakuzës thuhet se Mustafa dyshohet se i ka shkaktuar dëm Telekomit në vlerë afro 7 milionë euro, duke ndryshuar kushtet e kontratës në disfavor të ndërmarrjes. Sipas aktakuzës, i pandehuri, në cilësinë e Krye-shefit Ekzekutiv të Telekomit të Kosovës, në Prishtinë, më 16 mars 2015 e në vazhdimësi me dije ka vepruar në dëm të PTK-së, ashtu që përmes lidhjes së anekseve, marrëveshjeve duke ndryshuar kushtet e kontratës në disfavor të ndërmarrjes që ka përfaqësuar, në vend që t’i mbrojë interesat e saj, i njëjti me dashje i ka shkaktuar dëm në shkallë të madhe Telekomit të Kosovës, dhe atë në vlerë prej gjashtë milion e shtatëqind e nëntëdhjetë e gjashtë mijë e shtatëqind e tridhjetë e dy euro thuhet në njoftim.
