Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivitetet për nder të 5 Majit- Ditës së Dëshmorëve të komunës së Vitisë, kanë filluar me një seancë solemne të Kuvendit Komunal të Vitisë, kushtuar kësaj dite. Me pas janë bërë homazhe në varrezat e dëshmorëve në Viti, për të vazhduar me tej në aktivitete të tjera si shtegtimi me biçikleta. Ndërkaq sipas agjendës së drejtorisë së për Kulturë, Rini dhe Sport, të shtunën në fshatin Sadovinë e Çerkezëve, do të bëhet zbulimi i bustit të dëshmorit, Florin Maliqi me fillim në ora 11:00. Më pas në orët e mbrëmjes, konkretisht në ora 19:30 në Sllatinë të Epërme, do të mbahet finalja e turneut memorial “Nijaz Rexhepi”. Gjithashtu aktivitet për nderë të ditës së dëshmorëve, janë zhvilluar edhe me 4 maj, ku për nxënësit është shfaqur një film dokumentar kushtuar dëshmorëve vitias. Më pas nxënësit në mënyrë të organizuar po në këtë ditë kanë vizituar monumentet të trashëgimisë kulturore. Gjithashtu sot është edhe përvjetori i rënies së dëshmorëve Jonuz Zejnullahu dhe Shabi Kajolli.
