Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Nismës Socialdemokrate, Fatmir Limaj ka drejtuar kritika në adresë të pushtetit, drejtuesve të Kosovës por edhe partive opozitare, për të cilat ka thënë se nuk po e kryejnë detyrën e tyre. Ai ka theksuar se punën e opozitës më shumë po e bëjnë mediat se sa liderët opozitarë. Lideri i Nismës Socialdemokrate, Fatmir Limaj ka deklaruar për Ekonomia Online se Kosova do të “digjej” nëse Lëvizja Vetëvendosje do të ishte në opozitë e të arrihej një marrëveshje e tillë me Serbinë. Ai ka vlerësuar se aplikimi i Kosovës në Këshill të Evropës, është si rezultat i luftës në Ukrainë ndërsa kushtet për liberalizim të vizave, janë plotësuar në vitin 2017 e megjithëkëtë, liberalizimi është zvarrit për gjashtë vite me radhë. “Procesi i liberalizimit të vizave ka përfunduar në vitin 2017 kur Komisioni Evropian kur kemi dalë në konferencë shtypi dhe komisionerja ka deklaruar që Kosova i ka plotësuar të gjitha kushtet për liberalizim, dhe vonesat pas 2017-ës, janë vonesa burokratike të Bashkimit Evropian të cilët më e tepruan e keqtrajtuan këtë vend për 12 vjet. Te aplikimi për në Këshill të Evropës, po ashtu është proces që ka nis në 2011-ën, e që rrugës është ndalë për shkak të zhvillimeve politike. Kjo që po na vjen sot më tepër është si rezultat i asaj që po ndodh në Ukrainë pasi Rusia nuk është më anëtare e Këshillit të Evropës” ka theksuar mes tjerash, lideri i Nismës Socialdemokrate, Fatmir Limaj.
