Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës Albin Kurti, edhe një herë ka shprehur kundërshtimin e fortë të tij për draft-statutin e asociacionit duke thënë se qëllimi kryesor e ekipit menaxhues ishte krijimin e një Republike Serbe në Kosovë. Lidhur me këtë prononcim të Albin Kurtit, deputet shqiptar në Kuvendin e Serbisë, Shaip Kamberi ka theksuar se zgjidhja duhet kërkuar në kuadër të asaj që lejon Kushtetuta e Kosovës. “Nuk mund të lejojë kurrsesi ndërtimin e standardeve më të larta nga ato të vetë BE-së për pakicat, dhe jo lejimin e situatave të tilla kur këto standarde unike do të kishin vlerë vetëm për një komunitet në Ballkanin Perëndimor. Kamberi ka theksuar se qëndrimi i tyre është i njohur: “Kërkohet reciprocitet dhe që çdo lloj e drejte që u jepet serbëve të jetë në simetri me të drejtat që i jepen komunitetit shqiptar në Kosovën Lindore. Ndërsa sa i përket modelit të Kroacisë për pakicat kombëtare, të cilin Vuçiqi e ka refuzuar për Kosovën, Kamberi ka shpjeguar se ngërçi në këtë rast qëndron te fakti që Serbia do të këmbëngulë deri në fund për të nxjerrë diçka më tepër nga ajo që ka bërë në Kroaci.
