Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Kroacisë, Gordan Grlic Radman, po qëndron për një vizitë në vendin tonë. Ai me këtë rast ka thënë se Kosova mund të shikojë mundësinë e aplikimit të modelit kroat për të mbrojtur të drejtat e pakicave. Modeli i Kroacisë ishte vlerësuar gjatë anëtarësimit të saj në Bashkimin Europian. Si model është i suksesshëm si i tillë dhe ndoshta mund të shërbejë si një shembull. Natyrisht që ishte i vlerësuar dhe i lidhur me qasjen tonë në BE, ky model ka rezultuar me sukses për ne. Por për të gjithë ata që dëshirojnë ekzistojnë shumë të tjerë. Ne mbështesim çdo rezultat dhe marrëveshje që është rezultat i dakordimit”. Ai tha se ky model mund të përmendet dhe se të drejtat e pakicave janë të mbrojtura në Kroaci, duke shtuar se për këtë ndoshta edhe janë shembull në BE. Radman tha se stabiliteti rajonal është edhe shumë i rëndësishëm për Kroacinë. “Sepse kufijtë e Kroacisë janë edhe kufijtë europianë dhe janë në pyetje stabiliteti rajonal dhe promovimi i stabilitetit rajonal dhe dialogut brenda shteteve të Ballkanit Perëndimor, që është një çështje kruciale, saktësoi Gordan Radman. Ai është takuar edhe me ministren e Jashtme të Kosovës, Donika Shvarc.
