Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shaban Çupi: Në 24 vjetorin e masakrës serbe ndaj të burgosurve në burgun e Dubravës
( 19 – 24 maj 1999)
Memoriali i ngritur në këtë burg ka skalitur emrat e 117 të burgosurve të vrarë e mbi 200 të tjerëve të plagosur. Në anën tjetër, figurojnë edhe emrat e të burgosurve që mbijetuan këtë masakër e cila nga gjykatat ndërkombëtare nuk u ndëshkua deri me sot.
Nga komuna e Hanit të Elezit u vra Suad Brava i cili ishte i mitur dhe kishte vetëm 17 vite e 3 muaj jetë.
Nga komuna e Kaçanikut u vranë:
Gafurr Luma
Mejdi Dalloshi
Danush Kurti
Tefik Raka.
Ekzekutimi i të burgosurve u bë me urdhër nga shteti serb dhe ishte i organizuar, pra ishte krim shtetëror. Të burgosurit u sollën nga burgje të ndryshme dhe brenda tri dite i futën në burgun e Dubravës ku ishte planifikuar masakra.
Të burgosurit shqiptar u ekzekutuan me armë të shtetit serb, u vranë brenda hapësirës së burgut, duke u shkelur të gjitha konventat ndërkombëtare. Vrasja e të burgosurve shqiptar, paraqet krim kundër njerzimit dhe si i tillë duhet të ndëshkohet ndërkombëtarisht.
Shoqata e të Burgosurve Politik të Kosovës që në vitin 2006 ka ngritur padi me emra e mbiemra të kriminelëve që ekzekutuan të burgosurit, por kjo lëndë nuk u hap kurrë.
Familjet e Dëshmorëve, të plagosurit dhe të mbijetuarit( edhe vet i mbijetuar) shprehin revoltën e thellë ndaj gjykatave ndërkombëtare që askend nuk e dënuan për këtë krim kundër njerzimit, përkundrazi, padrejtësisht në Gjykatën e një anshme etnike, kanë vënë krerët e UÇK- së dhe të lirisë së Kosovës.
Lavdi e përjetshme dëshmorëve të rënë!
