Kryesuesi Zariqi, priti në një takim Kryetarin e Cedar Falls në IOWA- ShBA, Robert Green

24/05/2023 Institucionet

Gjatë ditës së sotme, Kryesuesi i Kuvendit të Komunës së Ferizajt, Xhavit Zariqi, bashkë me anëtarët e Komitetit për Politikë dhe Financa si dhe anëtarët e Komitetit për Komunitete, ka pritur në një takim një delegacion nga Shtetet e Bashkuara të Amerikës, konkretisht kryetarin Robert Green nga Cedar Falls – IOWA. Pjesë e këtij takimi ishte edhe drejtoresha e Drejtorisë së Kulturës, Rinisë dhe Sportit, Xhemile Murati-Shabani si dhe drejtori i Urbanizimit dhe Mjedisit, Arbër Bytyqi. Me këtë rast Kryesuesi Zariqi, këtë delegacion e ka njoftuar për qytetin e Ferizajt si dhe strukturën organizatave të Kuvendit të Komunës. Ai ka thënë se Kuvendi i Komunës së Ferizajt, përbëhet nga 41 anëtarë, në të cilët janë të përfshira 7 subjekte politike, përfshirë këtu edhe komunitetin pakicë. E nga ana tjetër, kryetari Robert Green nga Cedar Falls – Iowa, ka falënderuar për pritjen që i bëri kryesuesi Zariqi, por edhe anëtaret e këtyre komiteteve. Ai ka thënë se lidhjet që po krijon me qytetin e Ferizajt do t’i vazhdojë me vite të tëra. “Besoj se mund të flas për demokraci të shëndetshme. Kam mësuar shumë nga ju, por më jepni edhe ide për qeverisjen”, është shprehur Robert Green. Në këtë takim janë diskutuar edhe çështje të shumta sa i përket bashkëpunimit, por edhe shkëmbimit të vizitave në mes qytetit të Ferizajt dhe Cedar Falls- Iowa. Në fund është bërë edhe shkëmbimi i disa dhuratave.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara