Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i jashtëm i Rusisë, Sergei Llavrov, ka deklaruar për mediet e vendit se situata në Kosovë është e papranueshme, e tensionuar dhe shqetësuese. Ai ka përkujtuar se Perëndimi e ka përkrahur pavarësinë e Kosovës edhe pse nuk ka pasur Referendum, ndërsa i njëjti parim nuk është përdorur në rastin e Krimesë. Llavrov tha me këtë rast se Kosova e ka fituar pavarësinë e saj përmes një deklarate të njëanshme dhe të paligjshme, ndërsa gjithçka që BE-ja ka dakorduar me Kosovën dhe Serbinë rreth 10 vjet më parë ende nuk është zbatuar plotësisht. Sipas tij, kjo situatë po ndodhë, sepse Perëndimi ka kaluar në anën e separatistëve, dhe askush nuk planifikon të bëjë asgjë në këtë drejtim. Sjellja ndaj popullatës serbe, e cila këto ditë po proteston kundër marrjes së paligjshme të pushtetit është shqetësuese, duke shtuar se NATO është në anën e separatistëve. Sergei Llavrov nënvizoi se një konflikt po lulëzon në qendër të Evropës, në të njëjtin vend ku në vitin 1999 NATO kreu agresion kundër ish-Jugosllavisë.
