Ministri Yagcilar, ka pritur një delegacion të kryetarëve të bashkive nga Shqipërisa

09/06/2016 Institucionet

Ministri i Ministrisë së Administratës Publike, Mahir Yagcilar, ka pritur një delegacion të kryetarëve të bashkive nga Republika e Shqipërisë, i kryesuar nga ambasadori shqiptar në vendin tonë Qemal Minxhozi.

Qëllimi i këtij takimi ishte shkëmbimi i përvojave ndërmjet dy vendeve.

Ministri Yagcilar mysafirëve nga Shqipëria u ka folur për fushëveprimtarinë e MAP-it, legjislacionin dhe të arriturat e Qeverisë së Republikës së Kosovës në fushën e reformave në administratën publike. Pas diskutimeve dhe pyetjeve nga kryetarët e këtij delegacioni, në takim u vu në pah edhe rëndësia e partneritetit dhe thëllimi i bashkëpunimit ndërmjet  Kosovës dhe Shqipërisë.

Delegacioni nga Shqipëria përbëhej nga: Adelina Farici, drejtoreshë ekzekutive e Shoqatës së Bashkive të Shqipërisë, Romina Hyseni, sekretare e tretë dhe Alisa Limaj, përgjegjëse sektori e Shoqatës së Bashkive të Shqipërisë. Kurse nga radhët e kryetarëve të bashkive ishin: Dritan Leli (Vlorë), Majlinda Bufi (Roskovec), Ardian Kokomani (Shijak), Rajmonda Balili (Patos), Luljeta Dollani (Gramsh), Ndrec Deda (Mirëditë),  Adem  Lala (Has), Gjon Gjonaj (Pukë), Tonin Marinaj (Malësi e Madhe) dhe Melaim Damzi (Bulqizë).

Kontrolloni gjithashtu

Përfundoi mbledhja e Rregullt e Kuvendit Komunal të Rahovecit, e dhjeta për këtë vit kalendarik

Udhëhequr nga Kryesuesi Arbër Zenuni, u mbajt seanca e Kuvendit Komunal të Rahovecit e dhjeta …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara