Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Francës, Emmanuel Macron, sot në Bratisllavë të Sllovakisë ka fajësuar autoritetet qeveritare të Kosovës për ngjarjet në pjesën veriore të saj Në këtë Forum ndodhet edhe Kryeministri Albin Kurti. Pikërisht aty, Emanuel Macron ka paralajmëruar një takim mes kryetarëve të Kosovës e Serbisë që do të mbahet nesër në Moldavi. Kryetari, Macron ka njoftuar se shpreson se do t’i takojë dy presidentët e Kosovës dhe Serbisë, Vjosa Osmanin dhe Aleksandar Vuçiqin. Kryetarja e Kosovës, Vjosa Osmani, tashmë ka udhëtuar për në Kishinau të Moldavisë ku do ta përfaqësojë Kosovën në samitin e dytë të Komunitetit Politik Evropian. Emanuel Macron sot në Bratislavë, ku mori pjesë edhe Kryeministri Kurti – duke folur rreth zhvillimeve në veriun e vendit e ka fajësuar Kosovën. Ai e tha shumë qartë, se është përgjegjësia e autoriteteve të Kosovës për situatën e tanishme dhe dështimin e respektimit të një marrëveshjeje, e cila megjithatë ishte e rëndësishme dhe është arritur pak javë më parë, ka thënë, Emanuel Macron. Ndërkohë është bërë e ditur se kryeministri Kurti, në Bratisllavë ka konfirmuar gatishmërinë për t’u takuar me kryetarin e Serbisë, Vuçiq, por ai e ka anuluar udhëtimin.
