Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Skenderajt ka nisur procesin e dëgjimeve buxhetore për hartimin e Kornizës Afatmesme Buxhetore 2024 – 2026, me takimet me qytetarë që po mbahen në bashkësi lokale. Takimi i parë është mbajtur në Likoc ku kanë marrë pjesë nënkryetari i Komunës së Skenderajt, Sami Lushtaku dhe drejtorët komunal, ku janë shpalosur orientimet investive në tri vitet e ardhshme. Megjithatë, qytetarët kanë parashtruar kërkesa për investime në zonat e tyre të banimit kryesisht në asfaltim të rrugicave, shtrirje të rrjetit të kanalizimit si dhe furnizim me ujë të pijes. Takime të tilla janë mbajtur edhe në Çirez dhe Prekaz i Epërm. Dëgjimet do të vijojnë edhe ditëve në vazhdim, ku do t’u jepet qytetarëve mundësia të paraqesin kërkesat e nevojshme për investime publike në fshatrat e tyre, dhe më pas Ekzekutivi do t’i përfshijë sipas prioriteteve propozimet e qytetarëve në buxhetin publik.
