Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëheqja e Ekipit për Zhvillim Social në kuadër të Zyrës së Bashkimit Evropian në Kosovës, Anne-Sophie Houee, së bashku me përfaqësues të UNDP-së, ka vizituar të rinjtë e komunës së Skenderajt përfitues të projektit Reload 2, për të parë nga afër rezultatet e arritura nga bashkëpunimi në implementim mes Komunës së Skenderajt dhe UNDP-së, ndërsa janë mirëpritur nga drejtoresha për Zhvillim Ekonomik, Ndërmarrësi, Inovacion dhe Turizëm, Besarta Meha – Ademi. Projektit ReLOaD 2 përfshin një sërë masash punësimi, punë praktike, trajnimin në punë, skema të vetëpunësimit dhe iniciativa të komunitetit të të rinjve, një projekt ky që është bërë i rëndësishëm në krijimin e mundësive të punësimit për të rinjtë në mbarë Kosovën. Rritja e jashtëzakonshme e dëshmuar nga 60 të rinj është një dëshmi e suksesit të projktit. Këta te rinj kanë fituar aftësi të çmueshme në programim, arkitekturë/inxhinieri, dizajn grafik dhe fotografi. Përmes projektit, Komuna e Skenderajt se bashku me shoqërinë civile ka përgatitur Planin Lokal të Veprimit për Punësimin e të Rinjve. Ky udhëzues, i zhvilluar në bashkëpunim me të rinjtë, do të formësojë strategjitë e punësimit të të rinjve për tre vitet e ardhshme. Projekti ReLOaD2 ilustron angazhimin e Komunës së Skenderajt ndaj zhvillimit të qëndrueshëm dhe rritjes gjithëpërfshirëse. Komuna e Skenderajt është mirënjohëse për mbështetjen e Bashkimit Evropian në Kosovë, përkatësisht Demokracinë Lokale në Ballkanin Perëndimor.
