Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Brendshëm, Xhelal Sveçla, që tërë ditën rrah gjoks për trimëri dhe “luftën e tij” kundër kriminelëve serbë, dënon aktet e dhunës kundër gazetarëve të medieve shqiptare të Kosovës, por nuk tregon pse nuk i mbron policia e tij dhe e Albin Kurtit, por që të dy këtë e kërkojnë nga forcat paqeruajtëse të KFOR-it. Policia e Kosovës, po arrin të arrestojë serbë në veri po nuk arriti ta mbrojë asnjë gazetar nga nëntë prej tyre sa u rrahën dhe u lënduan dje në Leposaviq. Këto skena Sveçla dhe Kurti i kanë përcjellë përmes medieve dhe të zemëruar kanë reaguar kundër KFOR-it, ndërsa të dy rrahin gjoks me prepotencë duke u mburrur e se e kanë shtrirë sovranitetin në tërë Veriun, pavarësisht se forca e vetme që ka sovranitet për të siguruar paqe është KFOR-i, pastaj Policia e EULEX-it dhe prania e ndonjë polici të Sveçlës, nëse këtë e kërkojnë apo e lejojnë autoritetet ndërkombëtare, të cilat prej vitit 1999 e deri tani veprojnë duke u bazuar në rezolutën n 1244 të Këshillit të Sigurimit të OKB-, e cila e pranon sovranitetin, aktualisht të suspenduar Serbisë, jo vetëm në veri por në tërë Kosovën. Këtë fakt krerët e Vetëvendosjes nuk e përmendin kurrë, por dihet botërisht se cili është mandati i KFOR-it.
