Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Shtetit, Antony Blinken, u shpreh se vizita e tij në Kinë ka për qëllim të çelë rrugën e një komunikimi më të mirë duke zgjidhur “keqkuptimet” dhe duke shmangur “vlerësimet e gabuara”. Konkurrenca intensive kërkon diplomaci të qëndrueshme, për të siguruar që konkurrenca të mos kthehet në konfrontim apo konflikt. Kjo është ajo që bota pret nga Shtetet e Bashkuara dhe Kina.”– tha Blinken. Por teksa kreu i diplomacisë amerikane përgatitet të zhvillojë në 18 dhe 19 qershor rrugëtimin e shtyrë prej kohësh në Pekin, me qëllim stabilizimin e marrëdhënieve të tensionuara mes dy superfuqive botërore, Kina duket se e pret këtë vizita në një atmosferë mosbesimi të thellë dhe pritshmërishë të ulëta. Kina fajëson Washingtonin për acarimin e marrëdhënieve dypalëshe pasi Blinkeni e anuloi vizitën e tij në muajin shkurt për shkak të asaj që Amerika e përshkroi si një balonë spiune të Kinës dhe e rrëzoi, ndërsa kinezët insistonin se bëhet fjalë për një mjet metereologjik. Pavarësisht se kjo do të jetë vizita e parë e një zyrtari të lartë amerikan në këtë vend gjatë pothuajse pesë viteve të fundit, mediat kineze po e kalojnë atë në heshtje.
