Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Kurti, në konferencë për media ka folur lidhur me deklaratën që sot e ka dhënë emisari amerikan për Ballkanin Perëndimor, Gabriel Escobar, se tensionet në veri rrezikojnë të shndërrohen në konflikt rajonal. Kurti ka thënë se duhet pyetur Escobarin se përveç Kosovës e Serbisë, për cilat shtete të tjera e ka pasur fjalën kur ka përmendur konfliktin rajonal. Për Malin e Zi e Maqedoninë e Veritu nuk ma merr mendja, ndërsa për Shqipërinë “ndoshta”, pas kërcënimit për ngrirje raportesh që kryeministri Edi Rama ia ka bërë Beogradit zyrtar. Kurti ka thënë se di shumë gjëra, por jo të gjitha dhe për këtë duhet pyetur Escobarin se për cilat shtete e ka pasur fjalën. Në veri është KFOR-i dhe Policia, dhe kemi struktura ilegale të Serbisë. Është një konflikt i një republike demokratike me policinë me profesionale dhe të orientuar nga perëndimi, dhe anën tjetër struktura kriminale të një shteti autokratik. Konflikt rajonal, siç paska thënë Escobar, po iu besoj juve se unë nuk e kam parë, i bie që nuk janë veç dy shtete, ka më shumë se dy shtete. Mbase ndodheni në konferencën e gabuar për media, është dashur të jeni në konferencën tjetër për media, është dashur që Escobarin ta pyesni kur ka thënë konflikt rajonal, se cilat shtete i ka menduar përveç Kosovës e Serbisë”, ka thënë Kurti me arrogancën e prepotencën e tij, tashmë të shfrenuar dhe të pakontrolluar.
