Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktualisht, partitë opozitare po kritikohen për “opozitarizëm të butë”. Por, kreu i PDK-së, Memli Krasniqi, tha se partia e tij nuk është opozitë e atij lloji që vije në pushtet me dhunë, e që sipas tij, ashtu ka bërë Lëvizja Vetëvendosje. Ai thotë se nga opozitarizmi i atëhershëm i Vetëvendosjes janë duke u parë ende dëmet në Kosovë. “Ka një pritje në ndërdijen e qytetarëve të Kosovës, që opozitarizmi duhet të bëhet siç ka qenë opozitarizmi i Vetëvendosjes. Unë që nga dita që e kam marrë përgjegjësinë ta udhëheq PDK-në, e kam bërë të qartë që ne nuk jemi opozitë e atij lloji, nuk mund të bëhemi ne si parti shtet formuese, një opozitë e cila luftën për pushtet i jep më shumë prioritet interesit të vet, sesa interesave të shtetit. Kushdo që thërret për demonstrata të dhunshme, nuk është në qëllimet tona me hedh gaz lotsjellës në sallën e Kuvendit. Ky ka qenë opozitarizëm jo demokratik e skajshmërisht i dhunshëm, por dëmet e atij opozitarizmi ne vazhdojmë edhe sot e kësaj dite t’i shohim. E sidomos tash që të njëjtit opozitarë i kemi në pushtet, që kanë qenë të gatshëm vetëm për opozitën, e në asnjë mënyrë për qeverisje”, ka deklaruar Krasniqi.
