Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familjari i dy viktimave të vërshimeve në Pejë, ka thënë se edhe pse kanë kërkuar ndihmë, ajo nuk ju është ofruar. Albert Ademaj, axhë i viktimës 5 vjeçare, është cituar të ketë thënë se përkundër thirrjeve te institucionet, nuk janë ndihmuar në çastet dramatike të shkaktuar nga vërshimet. Ai ka deklruar se për Kosovapress se kryetarja e lagjes ku kanë jetuar viktimat, ka kërkuar ndihmë në institucionet përkatëse por ato nuk kanë reaguar me kohë. “I ka thirr kryetarja e lagjes, Policinë, ambulancën, ndihmën, por veç dy policë kanë qenë naltë, as nuk është ardhë ambulanca. Djalin vet e kemi çu në spital, ja kemi dhënë ndihmën e parë, jemi munduar. Nusen nuk na ka ndihmuar askush, për me nxjerrë, e kam nxjerr vet me një shok timin. Ata kanë hallakat qaty e më kanë thënë nuk ka asgjë në podrum. Ne kemi hy vetë për te dytën herë dhe e kam gjetë aty…Një polic e ka thy krahun dhe ambulanca është ardhë për të dhe jo me marrë gjenazen” ka deklaruar për Kosovapres, Albert Ademaj, familjar i dy viktima që u mbytën nga vërshimet e jashtëzakonshme në Pejë.
