Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e PDK-së, Vlora Çitaku, ka reaguar me indinjatë ndaj deklaratave të zëvendës-kryeministrit, Besnik Bislimi, duke i konsideruar ato të pabesueshme dhe të papranueshme. Çitaku shpreh habinë se si një zëvendës-kryeministër mund të karakterizojë të gjitha vendet e rajonit si jodemokratike dhe të vlerësojë aleatët e tyre si të paaftë për të kuptuar veprimet e Serbisë. Ajo thekson se ShBA-të, BE-ja dhe zëvendës-kryeministri nuk kanë nevojë për leksione nga askush për të sqaruar rolin dhe veprimtarinë e Serbisë, pasi kanë shërbime inteligjente më të avancuara dhe të sofistikuara se vendet e rajonit. Çitaku shton se Shqipëria, Maqedonia e Veriut dhe Mali i Zi janë aleatë të Kosovës, të treja anëtare të NATO-s dhe vende kandidate me negociata të hapura për anëtarësim në BE. Ajo ka thënë se doza e ironisë në këto deklaratat shtohet nga fakti se ato vijnë nga një përfaqësues i lartë i qeverisë, e cila, sipas saj, i ka shpallur luftë ndaj mediave, sindikatave, bizneseve dhe secilit që nuk pajtohet me qëndrimet e tyre.
