Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes Visar Ymeri, me rastin e 11-vjetorit të themelimit të partisë ka deklaruar se këto vite janë të aktivistëve të palodhshëm, të cilët, sipas tij, nuk kanë kursyer asgjë në dobi të kauzës e konceptit politik të Vetëvendosje!-s. “Këto 11 vite prej kur është krijuar Lëvizja Vetëvendosje!, janë vite të aktivistëve të palodhshëm që nuk kursyen asgjë në dobi të kauzës e konceptit tonë politik”, ka deklaruar Ymeri gjatë një konference për medie. Ai ka thënë se Lëvizja Vetëvendosje! është duke u rritur dhe se sondazhet janë duke e renditur si subjektin e dytë politik në Kosovë. “Lëvizja po rritet. Sot të gjithë sondazhet e nxjerrin Lëvizjen si subjektin e dytë në Republikën e Kosovës. Përkrahja për lëvizjen nga qytetarët është kushti i suksesit të konceptit tonë politik. Dhe ky kusht po përmbushet dita ditës me një trend të përhershëm pozitiv”, ka thënë Ymeri.
