Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, po qëndron për një vizitë në Azerbajxhan. Sot ai u prit në një ceremoni shtetërore nga kryetari, Ilham Aliyev, ndërsa në fokus të takimeve që do të zhvillohen, do të jetë bashkёpunimi dypalёsh, si dhe interesi i ndërsjellë nё ndërtimin e një rrjeti modern të gazifikimit në Shqipëri. Gjithashtu, vend me rёndёsi në diskutime kishte edhe zbatimi i projekteve për shpёrndarjen e gazit nga Shqipëria, drejt vendeve të tjera tё rajonit. Kryetari, Bajram Begaj, nga Azerbajxhani ku po zhvillon një vizitë zyrtare, bëri thirrje që Kosova dhe Serbia të respektojnë marrëveshjet, për të cilat kanë rënë dakord në forumet ndërkombëtare. Ai gjatë konferencës së përbashkët për shtyp me Presidentin e Azerbajxhanit, Ilham Aliyev, fillimisht theksoi se Shqipëria mbështet paqen afatgjatë në rajonin e Kaukazit jugor. Me Presidentin Aliyev, u ndalëm dhe në çështje me rëndësi në politikën e jashtme. Ndoqa me vëmendje bisedimet e fundit në Uashington mes Azerbajxhanit dhe Armenisë. Shqipëria mbështet paqen afatgjatë në rajonin e Kaukazit jugor, të ndërmjetësuar nga partnerë të besueshëm. I shpreha Presidentit Aliyev se Shqipëria ka mbështetur gjithnjë integritetin territorial të Azerbajxhanit dhe zbatimin e rezolutave të Këshillit të Sigurimit”,- tha Begaj, i cili më tej ktheu vëmendjen tek tensionet në veriun e Kosovës.
