Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vizitës në Kroaci të kryetarit të komunës së Deçanit Bashkim Ramosaj, i shoqëruar nga këshilltari i tij Sutki Hulaj, u pritën nga kryetari i komunës së Gornja Stubica, z. Jasmin Krizmaniç, ku patën rastin të bisedojnë për shumë tema me interes për të dy qytetet. Po ashtu, kryetari Ramosaj vizitoi kompaninë e njohur Hidraulika, në Gornja Stubica, me ç’rast drejtori, z. Vinko Matusha, i njoftoj nga afër me veprimtarinë e kësaj kompanie me renome botërore, ndërsa pronari i kompanisë, z. Stjepan Kurelja u zotua që së shpejti do ta viziton Deçanin dhe të njihet nga afër me mundësitë e një bashkëpunimi të ndërsjellë. Gjatë këtyre ditëve në Gornja Stubica është mbajtur Festivali Ndërkombëtar i Folklorit, ku mori pjesë edhe Ansambli i Këngëve dhe Valleve “Deçani”, që me paraqitjen e tyre shfaqen traditën dhe kulturën e Dukagjinit. Kryetari Ramosaj tha se jam shumë mirënjohës ndaj kryetarit Krizmaniç dhe gjithë ata që me pritjen e tyre na bënë të ndihemi si në shtëpinë tonë gjatë këto ditëve!
