Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Lidhjes Demokratike të Kosovës, Lutfi Haziri, në një intervistë për KosovaPress, ka kërkuar nga kryeministri Albin Kurti të jap dorëheqje, pasi aktualisht, nuk është i mundshëm mocioni i mosbesimit ndaj qeverisë apo shpërbërja e Kuvendit. Pas zhvillimeve të fundit në vend dhe sanksioneve ndërkombëtare, Kurti ka humbur legjitimitetin, prandaj zgjedhjet janë një opsion serioz, për rikthimin e normalitetit në Kosovë. Lutfi Haziri akuzon kryeministri Albin Kurti se ka agjendë të fshehur në raport me dialogun me Serbinë. Ai flet edhe për mundësitë që LDK-ja të dalë me një draft për Asociacionin e komunave me shumicë serbe dhe zgjedhjet e brendshme në LDK. Zgjedhjet janë një opsion dhe opozita është gjithmonë e gatshme. LDK-ja si një prej partive kryesore opozitare nesër është e gatshme me hy në proces zgjedhor. Ne nuk presim gjë tjetër gjatë kohës kur je në opozitë veç me shty agjendën zgjedhore. Por ajo kërkon një konsensus më të gjerë që përfshinë edhe shumicën parlamentare. Kjo ka ndodhur një herë në Kosovë, ku Hashim Thaçi në koalicion me AKR-në e kanë shpërbërë Kuvendin dhe kanë çuar vendin në zgjedhje. Më e mira dhe më e drejta edhe me popullin është dorëheqja, e cila shkakton zgjedhje të jashtëzakonshme në Kosovë, thotë Lutfi Haziri.
