Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Situata e sigurisë në Suedi është përkeqësuar për shkak të djegies së fundit të Kuranit brenda vendit dhe protestave që ky veprim ka nxitur te myslimanët nëpër botë, të cilat të dyja kanë ndikuar negativisht në imazhin e kombit nordik, tha shërbimi suedez i sigurisë së brendshme të mërkurën. Agjencia, e njohur me akronimin e SAPO, tha se djegia dhe përdhosja e librave fetarë në Suedi, dhe fushatat e vazhdueshme dezinformuese në rrjetet sociale dhe platforma tjera, kanë ndikuar negativisht në profilin e Suedisë. Në një deklaratë, SAPO përmendi se perceptimi për Suedinë është zhvendosur nga një vend tolerant, në një vend që tani shihet si armiqësor ndaj Islamit dhe Kjo rrezikon të nxisë kërcënime kundër Suedisë “nga individë brenda mjedisit të dhunshëm islamik”, tha agjencia, duke shtuar se rreziku aktual nga terrorizmi në Suedi mbetet në një nivel të ngritur. “Është një situatë serioze në të cilën ndodhemi”, tha Susanna Trehörning, nënkryetare e SAPO-s për antiterrorizëm, për transmetuesin publik suedez SVT. “Është një kërcënim i shtuar, dhe një sulm mund të ndodhë brenda kornizës së një kërcënimi të tillë”, tha ajo. Në Suedi dhe së fundmi në Danimarkën fqinje, një seri përdhosjesh publike të Kuranit nga disa aktivistë anti-islamikë ka shkaktuar reagime të zemëruara në vendet myslimane. Në Suedi, nuk ka ligje specifike që ndalojnë djegien ose përdhosjen e Kuranit ose teksteve të tjera fetare, dhe si shumë shtete perëndimore, Suedia nuk ka ligje për blasfeminë.
