Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Partisë Demokratike të Kosovës, Vlora Çitaku ka reaguar ndaj pretendimit të kryeministrit, Albin Kurti e ministrit të Financave, Punës dhe Transfereve, Hekuran Murati. Këta kanë deklaruar se gjatë qeverisjes së Kosovës prej tyre, në vendin tonë janë mbi 400 mijë vende aktive të punës. E ndaj këtij konstatimi ke reaguar edhe nënkryetarja e Partisë Demokratike të Kosovës, Vlora Çitaku. Ajo ka shkruar Qeveria ka punësuar njerëz vetëm në Gjermani. “Është tashmë e ditur se populistët dhe manipulatorët e marrin një të vërtetë, dhe atë e përziejnë me dhjetë gënjeshtra. E tillë ishte edhe deklarata e Kurtit për 400.000 të punësuar nga ai. Kryeministër, ju keni punësuar njerëz vetëm në Gjermani. Mos më besoni mua. Besnoni në të dhënat e Entit të Statistikave” ka shkruar nënkryetarja e Partisë Demokratike të Kosovës, Vlora Çitaku.
