Kryetari i Komunës së Rahovecit, z. Smajl Latifi bashkë me znj. Jennifer N. Ober, drejtoresh e Projektit për Qeverisjen e Pronës, mbajten të martën takimin e tretë të Këshillit Publiko-Privat. Ky Këshill ka për qëllim që të përmirësojë kornizën ligjore dhe rregullatoren në fushën e të drejtës së pronës për të nxitur inevstimet në komunën e Rahovecit. Gjithashtu, Këshilli e lehtëson dialogun dhe konsultimin për rregulloret komunale të cilat ndikojnë në të bërit biznes, buxhetin komunal, planin e prokurimit, dokumente strategjike komunale dhe dokumente e çështje të tjera që propozohen nga Komuna e Rahovecit ose nga sektori privat.
Në këtë takim u diskutuan këto çështje:
Kontributi i bizneseve të mërgatës në zhvillimin ekonomik lokal në Komunën e Rahovecit dhe mundësitë e bashkëpunimit.
Dialogu publiko-privat: sfidat dhe çështjet e ndërlidhura me pronën komunale, partneritetin publiko-privat dhe mbështetjen e bizneseve me pronare gra.
Prezantimi i Listës së Pronave Komunale për Dhënie dhe Këmbim 2023 dhe nevojat e sektorit privat për shfrytëzimin e pronës komunale.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
