Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Kushtetuese e ka shpallur të pabazë vendimin e Kuvendit në vitin 2021 për ta shkarkuar të gjithë Bordin e RTK-së. Kushtetuesja konteston nëse ka pasur bazë ligjore për shkarkim kolektiv të anëtarëve të Bordit, duke përmendur se kjo nuk specifikohet në ligjin për RTK-në dhe se çdo anëtar emërohet dhe vepron në kapacitetin personal. Gjithashtu, përmend komentet e Komisionit të Venecias, të cilat, sipas Gjykatës thonë se, shkarkimet kolektive të bordeve të transmetuesve publikë janë të mundura vetëm kur ato përcaktohen specifikisht me ligj. Gjykata konstaton që në shkarkimin e të gjithë anëtarëve të Bordit të RTK-së, përkatësisht shkarkimin kolektiv të bordit të transmetuesit publik për “paaftësi profesionale”, të konstatuar përmes shqyrtimit të Raportit Vjetor të RTK-së për vitin 2020, Kuvendi ka vepruar pa bazë ligjore në kontekst të shkarkimit të Bordit në tërësinë e tij, si pasojë e refuzimit të raportit përkatës vjetor dhe rrjedhimisht, në kundërshtim me dispozitat e Ligjit për RTK-në”. Ky është verdikti i Gjykatës Kushtetuese lidhur me shkarkimin e Bordit të RTK-së në vitin 2021, që përbëhej nga Sali Bashota, Agron Gashi, Lirim Geci, Fadil Miftari, Ilir Bytyçi, Bajram Mjeku, Petrit Musolli dhe Albinot Maloku. Lëvizja Vetëvendosje asokohe kishte mbështetur në tërësi rekomandimin e Ministrisë për shkarkimin e këtij bordi.
