Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbahet mbledhja e këshillit komunal për Siguri në Bashkësi në komunën e Rahovecit, e katërta për këtë vit. Mbledhjen e kryesoi kryetari i komunës, z. Smajl Latifi, i cili fillimisht theksoi se situata e përgjithshme në Komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar nga takimi i fundit i mbledhjes së KKSB-së, edhe pse në komunën e Rahovecit gjatë këtij muaji ka pasur në vazhdimësi zhvillime duke e karakterizuar muajin e ardhjes së mërgimtarëve.
Në mbledhje u diskutuan këto çështje:
-
Ardhja e mërgimtarëve;
-
Situata e shpërndarësve të picave dhe ushqimeve me motorr pa helmetë, pa regjistrim, pa patent-shofer dhe nën moshë.
-
Fushata vetëdijësuese për parandalimin e zjarreve;
-
Siguria në trafik;
-
Lirimi i trotuareve;
-
Raportimi i shkeljeve ligjore;
-
Agrofesta;
-
Furnizimi me ujë të pijshëm;
-
Mbrojtjen e lumenjve që rrjedhin – ndalimi i hedhjes së mbeturinave;
-
Përpjekja intenzive për ushqim më cilësor me siguri me të lartë (Siguria dhe kontrolli i produkteve ushqimore).
Komandanti i stacionit policor në Rahovec, z. Fazli Morina, si zakonisht foli rreth situatës së sigurisë me statistika si në vijim:
Kanë ndodhur 94 vepra penale, 2 incidente jo penale, 3 lëndime të lehta, 6 raste të dhunës në familje, 3 raste të armëmbajtjes pa leje dhe janë arrestuar 36 persona.
Sa i përket sigurisë në komunikacion rrugor; Janë dhënë 1071 gjoba në komunikacion rrugor, 59 raste pa patentë, 329 për parking joadekuat, 14 raste të prishjes të rendit dhe qetësisë publike dhe 18 aksidente me dëme materiale.
Rreth sigurisë në shkolla;
Janë raportuar 2 raste (lëndim i lehtë trupor dhe vjedhje).
Në fund të mbledhjes, kryetari falënderoi të gjithë anëtarët e këshillit për kontributin, angazhimin dhe punën e bërë.
